Sakaegawa榮川日本料理@Causeway Bay

%%餐廳資料%%
地址 : 銅鑼灣軒尼詩道525號恒和鑽石大廈7樓
電話 : 2522 0230
營業時間：星期一至日: 11:30-15:00, 18:00-00:00

噚日是公司的運動會，下晝同密絲帶去炮台山整頭髮。
夜晚，便叫埋二花出嚟，諗住同密絲帶補祝生日。

壽星女話事，我地便去銅鑼灣食日本菜。
當中以恆和鑽石大廈(Sogo隔離)的日本料理最多亦最好食，所以我地決定試有電視直播嘅榮川日本料理。

由於Menu的菜式很少，而單看佈置，已知餐廳主打日本空運到港海鮮，所以我地便聽Waitress的介紹。
首先我們選了現時時令的秋刀魚做Sashimi，因為侍應姐姐話秋刀魚魚味很濃：
試過的確唔錯，而且原來是時令魚時，味道真係特別好食；
之後，又揀咗蔡san推介的Kinki魚，因為連蔡瀾都大讚係最美味嘅魚-鮮甜、又滑，
侍應姐姐話我地第一次食，用汁煮會好D，因為可以試到Kinki魚的滑溜，皆因佢脂肪比例有關：
食第一啖時，我己經好似味吉陽一上身一樣，瞪大眼睛，因為真係好好好好好味，既鮮甜又嫰滑，跟平日食嘅蒸魚，簡直冇得比，且汁煮連大根同豆腐都好入味，聽講平日Kinki魚在香港的酒店賣閒閒地千零二千蚊一條，就連餐廳今次也是比平日賣平了(平日賣開六百蚊至八百蚊)，所以今次真係抵食；
我地重揀咗象拔蚌，用嚟做刺身，而膽就做Tempura：
刺身唔駛講，一句「正」；不過食象拔蚌膽做Tempura，都係第一次，冇想過都幾香口。

前菜選了每人一隻汁煮鮑魚仔：
冇想過鮑魚仔細細隻都咁甜；
又選了阿蘇成日推介的日本凍蕃茄：佢就真係一般味道，算係我地全晚嘅敗筆。

熱葷叫了海鮮粥(熱炊)同黑豚湯烏冬：
粥的份量很少，係一人分量，不過少吃多滋味，都唔錯，下次可以再試地雞粥；
黑豚烏冬，湯很甜，有肉味，而黑豚得一片，都係一人份量，不過少少地食都很好。

整晚的食物評價：三個字 --- 好好食。

不過，埋單話平唔平，話貴又唔貴，最終密絲帶決定叩我地下次再請，今日AA先。
我地就當食好野集團試菜日啦！