物有所值的TMSK牡丹香港@Elements, HK

牡丹TMSK

%%餐廳資料%%

地址：九龍柯士甸道西一號圓方2樓2103-2104號舖

電話：22043268

官方網址：http://www.tmsk.com/

http://www.tmsk.com/hongkong/tmskhkindex.html

湖南上海意大利家常美食，三種風馬牛不相及的菜式，抱著欣賞琉璃工房的餐具的心態而來。

如果不是跟朋友仔來，自己又未必會同屋企人試。

TMSK - TOU MING SI KAO 透明思考的拼音縮寫。

上次去上海，很想去新天地試試這間餐廳，可惜沒有時間。

簡單介紹一下餐廳，餐廳是由琉璃工房經營，

意念是與生活結合，期望帶動「食」的文化。

今次難得同朋友仔慶祝本應半年前就要慶祝嘅生日，

原本都想多儲兩粒米芝蓮星星，去唐閣吃晚餐，但係食中餐，一向唔係我杯茶，

而且只得一個鐘吃飯，十分緊迫，所以決定去圓方吃飯兼探探契女。

今日的晚餐，我地選擇先試晚飯套餐：

頭盆/前菜分別選了帶子沙拉和大蝦沙拉；

帶子外面剛煎熟，裏面是生的，很有嚼頭，相反，大蝦沙拉就無甚特別。

湯分別選了日滋湯(例湯)同大蝦濃湯；

日滋湯-每日的滋味湯水係中湯，紅蘿蔔煲豬骨，真材實料，

至於大蝦濃湯亦可以接受。

主菜方面，我地都選擇它的廚師推介：

脆皮荷香雞卷和八寶脆鴿。

脆皮荷香雞卷- 雞卷的確外皮香脆，雞肉亦十分嫩滑，

敗筆就係內裏的糯米太黏稠，影響口感；

八寶脆鴿，想不到反而係是晚推介，

內裏的雲耳、蓮子、栗子、金華火腿、南瓜籽仁、花菇、蝦乾、洋葱和蒜茸

加在去骨的乳鴿內，味道出奇地配合，

加上食物溫度熱騰騰，更加討好。

甜品就是意大利芝士餅配香橙雪芭，

我一向喜歡食甜品，就感覺滿足啦。

可惜的是茶和咖啡的質素，

茶用了Lipton紅茶，立即大減分數，

不過每位都係二百多元，算啦！

王家沙@Festival Walk, Kowloon Tong

王家沙
%%餐廳資料%%

地址：九龍塘又一城G-23

電話：2265 8488

自從去完台南之旅後，已經有好幾個月冇見火柴同學，

所以碰巧爸爸媽媽不在家吃飯，便找火柴同學啦！

可惜，同學仔實在太忙，我由六點幾行到八點幾，

由有許多食肆選擇，到只係剩下一兩間有位，

終於等到同學仔到又一城！

只係得兩個人啫，但係就叫到成枱都係餸，

我諗火柴同學真係太大壓力啦。

我地叫了馬蘭頭，因為最近呢位朋友去完上海，在老飯店食嘅馬蘭頭非常好味，

王家沙，算吧啦！

小籠包，循例叫了；

仲有紅油抄手，水餃, 火燑津白，蟹粉鍋巴，三絲煨麵。

老實說，味道一吃無妨，要再來，可免則免啦！

久違了的夜上海@Hong Kong Hotel, TST

%%餐廳資料%%
九龍店
地址：九龍尖沙咀馬可孛羅香港酒店六樓
電話：23763322
香港店
地址：金鐘金鐘道88號太古廣場332樓
電話 : 29189833


記得第一次去夜上海是跟火柴人同學一同去的，
那次吃了很多推介菜式，
想不到去了金鐘店一次，
便像上了癮一樣，
最密試過一個月兩次，
最少半年都會去一次。

差不多每次都會叫燻蛋，因為是很難做的菜式，
製作過程整花時間和心機，
第一次在金鐘店吃，已一試難忘，
可惜今晚跌watt，令我決定下一次只會去夜上海。

今晚另一個菜式是皮蛋拌豆腐，味道可以，
可能自己越來越咀尖，
略嫌豆腐唔夠黃豆味。

湯 - 其實上海人唔係太喜歡煲湯，不過砂鍋雲吞雞卻不錯，
雲吞是細細粒的一口雲吞，
湯加了火瞳，十分鮮甜，
而且雞味濃又不油膩，
雞肉亦十分嫰滑。

义子燒餅是今晚的敗筆，味道認真一般，因為我記錯了菜名。
至於香酥雞 - 係今晚其中一款推介，因為烤得香，且不油膩。
此菜式，更令我們記下了密絲帶語錄(一)：「雞係中國人的傳統主食！」
嚇得我們目瞪口呆！(因為今晚差點變成全雞宴。）

蘿蔔絲酥餅是朋友request的 - 幾好味，又熱騰騰。

由於吃了太多，又沒有叫蔬菜，因此大家決定叫奶油津白。
簡直是我們的清泉，可以清清油，兼減低消化問題。

金滿庭@Times Square

%%餐廳資料%%

地址 : 銅鑼灣勿地臣街1號時代廣場10樓1002號舖
電話 : 2506-2525
參考網址：http://www.openrice.com/restaurant/sr2.htm?shopid=10318

另一分店位於九龍：

地址 : 大角咀海庭道18號奧海城2期UG06B舖
電話 : 2910-1000
參考網址：http://www.openrice.com/restaurant/sr2.htm?shopid=9942
還有一間位於新界

地址 : 馬鞍山鞍祿街18號新港城中心2105鋪
電話 : 2338 0200
參考網址：http://www.openrice.com/restaurant/sr2.htm?shopid=15818

食肆網址：http://www.modernchinarestaurant.com/

今晚比較平日似乎人少一些，但我們由接近八時取票，到九時多才入座，也等了接近一個小時，「搵食」真的艱難。

一坐下，我已急不及待要叫小籠包，起初我還打算叫煎餃，同學仔立即喝止，擔心我又眼闊肚窄。之後，我們叫了兩隻燻蛋，一客雞絲粉皮，雪菜肉絲炒年糕，還有蝦子蔥燒海蔘。

三間食店我都分別到過，其中我和同學仔都覺得似乎奧海城分店最美味，不過這餐都尚算滿意，因為價錢的確係物超所值。

燻蛋似乎一般，因為燻的時間不夠，略遜一籌，暫時在香港仍然覺得夜上海做燻蛋做得最好，因為燻得恰到好處，有濃烈的茶葉香味。

小籠包其實也不錯，不過我們懷疑它已被放了一段短時間，因為外皮似乎硬了一些，包底部份又開始變軟，所以很容易破爛而溢出肉汁。

雞絲粉皮，沒有甚麼特別，算係手準之作；雪菜肉絲炒年糕，意料之外，味道剛剛好，不像那間翡X那樣鹹；至於蝦子蔥燒海蔘，海蔘份量多，以不足一百圓的價錢來說都算不錯。

不過，吃過這一餐，我竟想起另一間食肆，也是近年我的最愛之一：夜上海。

夏麵館@elements - 令人有點失望的上海菜

去年復活節去上海旅遊時，已有朋友介紹可以去夏麵館試試。
可惜，每天遊覽都未有經過它的分店，只好待下次再來時才光顧吧！
因此，正因為這次落空，以致對香港的夏麵館有著更大的期望。

今天晚上與契女一家人到位於elements的夏麵館。六時多已排長龍，直到契女的祖父、祖母到來時，我只是稍為上前了一點，最後排了接近一小時，終於到我們入座了。

由於夏麵館主要是以麵為主食，我們六人叫了四碗麵：
鱔糊麵 - 只要很少鱔，卻有大量筍，味道一般;
排骨擔擔麵 - 顏色很嚇人，但不太辣，味道還可以;
獅子頭麵 - 獅子頭份量夠，味道不錯;
蝦爆鱔煨麵 - 味道不錯，份量亦十分大。

除了湯麵外，我們還叫了兩籠小籠包(一籠四隻)，與金滿庭、翡翠等食肆差不多，沒有太大驚喜。海蜇夠爽口。而清炒河蝦仁和炒飯就太多油，不敢恭維了。不過清炒河蝦仁可以少些油，味道是可以的。

總括而言，在圓方兩間上海菜都不太推介，可以的話還是選其他食肆吧！

##餐廳資料##
地址 : 尖沙咀柯士甸道西1號九龍站Elements 1樓1079-82號舖
電話 : 2196 8121

其他參考食評：http://www.openrice.com/restaurant/sr2.htm?shopid=19409

大指控 - 圓方的王家沙大閘蟹宴

!!!!!!!!!!!!!!!!!!!!!!!!!!!!!!!
十萬個......差勁！
今年大家食咗大閘蟹宴未呢？如果未食，又打算出街食，建議大家唔好去圓方(Elements)的王家沙。
因為實在太差！

首先侍應的服務態度，相信大家聽完以下小故事，就會心裏有數了：
小妹與同事們坐下 ，桌面有一張menu，可惜的是menu內沒有提及大閘蟹，坐下沒有問我們開茶已算了，我們問她有沒有大閘蟹宴menu時，她竟一句menu有了便走開。

於是要再舉手叫其他侍應查問，她們也是同一口徑：menu有啦！我便忍不住攤開menu問她在menu哪部份？她們說印在另一張紙上。明明只得一張menu，何來其他紙呢！如果佢地早啲了解一下，就唔洗被人評為服務態度惡劣啦！

其實當時食店內的人不算太多，只要三四枱客人，侍應們的服務態度實在令人難以接受。

至於食物呢，淨係知道每位$228 已經係最貴嘅大閘蟹宴，就知好極有限啦！

大閘蟹宴包括：
1) 蟹粉小菜(味道一般)；
2) 蟹粉小籠包或蟹粉生煎包(冇幾多蟹粉)兩隻；
3) 蟹粉担担麵(好鹹，都係冇幾多蟹粉)；
4) 大閘蟹一隻(睇彩數 - 好彩的有些少膏，唔好彩的像我 - 差d找不到膏)
5) 皮厚兼難食嘅湯圓兩大粒
(綠色的唔知係什麼料 - 同事食了一啖即吐；
黑色餡係芝麻，好少少不過仍然係個句，皮太厚唔掂)；
6) 薑茶一杯

所以連加一大概$250，我地實在難以說服自己俾tips。

不過，王家沙部份食物不錯的，不過千祈咪係王家沙食大閘蟹宴啦！