BLT Steak - Bistro Laurent Tourondel Steak
%%餐廳資料%%
電話：2730 3508
每年我地都會問問生日的朋友想吃些甚麼菜式，
才想想選擇哪間餐廳。
不過，暫時為止，我地仲未重覆慶祝的食肆。
繼去年的夜上海，
今年我就選了BLT，
因為近排這間餐廳較多人談論。
訂位前，我都有不少準備：
先check了menu，
又看過三色台莫醫生在某節目的介紹，
仲睇埋食評，
最後，決定將點的菜和甜品。
由於餐廳沒有蛋糕提供，
又唔想太刻意預備，
最後決定訂位時，
通知餐廳我地有朋友生日，
請他們為我地預備在甜品上花點心思。
聽聞BLT的Popover Bread很出名，
便點了試試！
老實講，香的確很香，
但我仍然比較喜歡食意大行的香草包，
而且味道太鹹，份量也太大了。
不過，Popover係免費嫁就唔應該嫌三嫌四啦，
應該欣賞嘅。
Chef今晚為每位客人預備的餐前小吃
Salmon with Herb Oil and Pine Nuts hor d'oeuvre，
味道不錯，很清新。
Caesar Salad，份量很大，
加了很多cheese，味道很濃，
對一向吃得清淡的我來說，太鹹。
Sidedish - 我地叫了我最愛的onion ring。
不過，這個是是晚敗筆。
Onion ring的外形，十分討好；
問題係脆漿太厚，
令它的味道大打折扣。
我只吃中間的洋蔥，
外面的皮都扔了。
此外，我們還叫了一個overcook的Grilled mushroom，
很黑很黑，
還有點燒焦的苦澀味，
都係敗筆。
果然，食評一點沒有欺騙大家，
好味的不一點好，
但難食的，真係最好唔好叫。
14oz US Ribeye 三個人share，
起初仲以為唔夠，其實份量剛剛好。
牛扒的味道真的不錯，肉質鮮嫩，
我們要medium well 七成熟，
火喉剛剛好，
老實說，係我暫時吃過的餐廳中，
烤得最好的！
不過，論價錢和環境，
我認為還有更好的選擇。
推介給別人- 又不至於；
不過可以一試的。
由於我地擔心唔夠飽嘅關係，
我地仲多叫一個Main course - Rosemary Chicken。
很香的rosemary，起初大家都感到很吸引，
不過，吃至中段時間，大家開始有飽得太過的感覺時，
大家開始互相禮讓，場面都很有趣的。
最後，我地點了Crêpes Soufflé with Passion Fruit Sauce。
驚喜 - 有一點；
驚嚇比較多╴
因為係我地傾完一輪，
突然有waiter同我地講Happy Birthday兼送上甜品，
係很近距離同我地講，
差點俾佢地嚇死。
好在密絲帶很滿意是日安排。
不過，又要開始為下一年頭痛啦！
文章
